जनकपुरधाम,०२ माघ । जनकपुरधामकी मधु कुमारी साह, जो पुस १९ गतेदेखि हराइरहेकी थिइन्, १२ दिनपछि अचानक विवाह गरेको तस्वीर फेसबुकमा साझा गरेकी छिन्। जनकपुरको पब्लिक युथ क्याम्पसमा बिबिएस पहिलो वर्षको परीक्षा दिन घरबाट निस्केकी मधु हराएपछि उनको खोजी गर्न समाजिक सञ्जालमा व्यापक अभियान चलाइएको थियो।
तर, माघ १ गते मधुले एक युवकसँग विवाह गरेको तस्वीर पोस्ट गरेपछि, खोजीमा लागेका र सहयोग गरिरहेका व्यक्तिहरू आश्चर्यचकित भएका छन्। उनको उक्त तस्वीर अहिले सामाजिक सञ्जालमा व्यापक ट्रोल भइरहेको छ।
यद्यपि, यो उनको निजी जीवन हो, तर पनि सार्वजनिक रूपमा विवाहको तस्वीर राखेपछि उनी ट्रोलको केन्द्र बनिरहेकी छन् ।
