जनकपुरको व्यस्त रामानन्द चौकमा मधेस प्रदेशका स्वास्थ्य तथा जनसंख्या मन्त्री सत्रुधन प्रसाद सिंह चढेको गाडी दुर्घटनाग्रस्त हुँदा मन्त्री सिंह घाइते भएका छन्। घटना राति करिब ११ बजे भएको हो। प्रारम्भिक विवरणअनुसार मन्त्रीको अवस्था गम्भीर नभए पनि थप विवरण आउन बाँकी छ।
मन्त्रीलाई अस्पतालमा मुख्य मन्त्रीसहितको उपस्थिति
दुर्घटनापछि मन्त्री सिंहलाई तत्कालै जनकपुरको प्रादेशिक अस्पताल पुर्याइएको छ। घटनाको गम्भीरता देखाउँदै मधेस प्रदेशका मुख्यमन्त्री सतीश कुमार सिंह स्वयं अस्पताल परिसरमा पुगेका छन्। मन्त्रीको स्वास्थ्य अवस्थामा ध्यान दिनकै लागि सुरक्षाकर्मी, प्रहरी अधिकारीहरू, र स्थानीय प्रशासन पनि अस्पताल पुगेको देखियो।
समान्य जनताको अवस्थालाई कसले हेर्ने?
दुर्घटनापछि अस्पतालको वातावरण पूर्ण रूपमा मन्त्रीको सुरक्षाका लागि केन्द्रित थियो। स्थानीय बासिन्दाहरूले भने साधारण बिरामीहरूको उपचारप्रति उपेक्षा भएको आरोप लगाएका छन्। "मन्त्रीहरूको लागि प्रोटोकल छ, तर साधारण बिरामीको अवस्था बुझ्न कसैले समय दिएको छैन," एक स्थानीयले बताए।
सडक सुरक्षाको गम्भीर चुनौती
रामानन्द चौकमा मन्त्रीको गाडीले दुर्घटना भोग्नु जनकपुरको कमजोर सडक सुरक्षाको ज्वलन्त उदाहरण हो। उक्त क्षेत्र दैनिक रूपमा ट्राफिक भीड र अव्यवस्थित सवारी साधनको कारण जोखिमयुक्त रहन्छ।
स्थानीय आक्रोश र प्रश्नहरू
स्थानीय नागरिकहरूले दुर्घटनापछि देखिएको सरकारी प्राथमिकतामाथि गम्भीर प्रश्न उठाएका छन्। "साधारण मान्छेको दुर्घटनामा कोही आउँदैन। मन्त्रीहरूको गाडी ठोक्कियो भने मुख्यमन्त्रीदेखि सबै अस्पतालमा आइपुग्छन्। यो विभेदले हाम्रो असन्तोष बढाएको छ," एक स्थानीयले भने।
सरकारलाई चुनौती
घटनाले सडक सुरक्षामा सरकारी प्रतिबद्धताको अभावलाई उजागर गरेको छ। मन्त्रीको शीघ्र स्वास्थ्य लाभको कामना गरिन्छ, तर यो दुर्घटनाले राज्यको प्राथमिकता, समानता, र जनउत्तरदायित्वमा गम्भीर प्रश्न उठाएको छ।
